මේ වනවිට ලෝකය මුහුණ දෙමින් සිටිනේ මෑත ඉතිහාසය තුල ඇති වි තිබෙන ලොව දරුණුතම වසංගතයටයි. බොහෝ දියුණු යැයි කියන රටවල පාලනයෙන් පවා ගිලිහිගිය වෛරසය ලක්ෂ සංඛ්‍යාත මිනිස් ජීවිත බිලිගන හමාරය. එසේම ලෝකයේ වැසියන් අඩකටත් වැඩි සංඛ්‍යාවක් නිවාස අඩස්සියේ තබා ලෝකය අකර්මණ්‍ය කර අවසන්ය. සියළු ලෝ වැසියා පොදු සතුරෙකු වෙනුවෙන් එකම අරමුණකින් කටයුතු කරනු දැක ගත හැකි වේ.
චීනයේ වුහාන් කේනද්‍ර කරගනිමින් ඇරඹි නව කොරෝනා හෙවත් කෝවිඩ් -19 වසංගතය මේ වන විට ලොව පුරා රටවල් 210 ක් පැතිර ගොසින් ය. මේ වන විට ලෝක සෞඛ්‍ය සංවිධානයේ සංඛ්‍යා ලේඛනවලට අනුව COVID-19 කිරීටක වෛරස් රෝගීන් 2,330,987 ක් වාර්තා වී ඇති අතර මරණ සංඛ්‍යාව 160,758 කි .
මේ ලිපිය මගින් කතා කරන්න යන්නේ නව කොරෝනා වෛරසය ගැන නම් නොවේ. වෛරස තත්ත්වය නිසා බිහි වු ගීත සාහිත්‍යක් පිළිබඳව යි. විශේෂයෙන්ම බොහො රටවල් දෛනික කටයුතු අඩාල කරමින් තම වැසියන් නිවාස අඩස්සියේ තබා ඇත. එසේම ඒ ඒ රාජ්‍යයන් විවිධ වු ක්‍රියාමාරග අනුගමනය කරමින් මිනිස් සබදතා දුරස්ථ කරමින් රෝග පාලනයට දැඩි වෙහෙසක් ගනිමින් කටයුතු කරනු ලබයි. රෝග පාලනයට ගන්නා සෞඛ්‍ය ක්‍රියාමාර්ගයන්ට අමතරව, ආර්ථික ක්‍රියාමාර්ග, සමාජ ක්‍රියාමාර්ග ගනිමින් තම රටවල ජන ජීවිතය දෛනිකව පවත්වා ගන යෑමට ලෝව සියළුම රටවල් පාහේ විවිධ වු උත්සහයන් ගනිමින් පවතින බව දැක ගැනීමට හැකි වේ.
ඒ අතරින් නිවාසවල ගත කරන ජනතාවගේ මානසික සෞඛ්‍ය ඉහළ මට්ටමක පවත්වා ගෙන යෑමටත්. රෝග ව්‍යාප්තිය පාලනයට වෙහෙසවන සෞඛ්‍ය, ආරක්ෂක, රජයේ නිලධාරින් ධෛර්යයමත් කිරීමටත් රජයන් විසින්, සමාජය විසින්, සංවිධාන විසින් විවිධ වු වැඩසටහන්, ක්‍රියාමාර්ග, දිරි ගැන්වීමේ කටයුතු ද සිදු කරනු ලබයි. මෙම වැඩ සටහන් සංස්කෘතික, ආර්ථික, සමාජිය ස්වරූපයෙන් ක්‍රියාත්මක කරනු ලබයි.
ඒ අතර ලොව බොහොමයක් රටවල නිවාස වල සිටින ජනතාවට උපදේශාත්මක වශයෙනුත්, රෝග පාලනයට කටයුතු කරන සෞඛ්‍ය අංශ ඇතුළු විවිධ අංශයන් ධෛර්යමත් කිරීමේ අරමුණිනුත් ගීත ගායනා කිරීමේ සංස්කෘතියක් ජනප්‍රිය වෙමින් පවති. මෙම ගීත සංස්කෘතිය මගින් බොහෝ දෙනා උත්සහ දරනු ලබන්නේ මෙම වෛරසයෙන් බේරි සිටිමට අනුගමන කළ යුතු සනිපාරක්ෂක ක්‍රමෝපායන්, රෝග ව්‍යාප්තිය අවම කිරීම, නිරෝධායනයේ වැදගත්කම, රෝග ව්‍යාප්තියට එරහිව කටයුතු කරන අංශයන් දිරිමත් කිරීමේ අරමුණින් මෙම ගීත බොහෝමයක් ජනප්‍රිය වෙමින් පවති. ෆේස් බුක්, ටු ටියුබ්, ට්විටර් වැනි සමාජ මාධ්‍යවල ජනප්‍රිය වෙමින් පවත්න මෙවැන් ගීත කොරෝනා වෛරස් ව්‍යාප්තිය නිසා ඇතිව තිබෙන සංස්කෘතික ප්‍රවණතාවයක් ලෙසින් ද පෙන්වා දිය හැකි වේ.
පහත දැක්වෙන්නේ ඒ ආකාරයෙන් ලොව විවිධ රටවල ජනප්‍රිය වු එවැනි ගීතයන් ය.
වියට්නාමය
‘Ghen Cô Vy’ (The Washing Hand Song) අත් සේදිමේ ගීතය. වියට්නාමයේ සෞඛ්‍ය බලධාරින් විසින් නිශ්පාදනය කරන් ලැබු මෙම ගීතය යු ටියුබ් හි මිලියන 32 අධික පිරිසක් නරඹා ඇත.
මෙක්සිකෝව
El Capi නම් වු මෙක්සිකෝවේ සංගීත කණ්ඩායමක් විසින් 'එල් කොරොන වයිරස් නම් වු ගීතයක් නිශ්පාදනය කර ප්‍රචාරය කර තිබේ.
" කොරෝනා වෛරසයෙන් ඔබ පරිස්සම් නොවන්නේ නම් එයට ඔබව මරා දැමිය හැකිය."
යන්න මෙම ගීතයේ සමස්ථ අර්ථය වේ.
මෙක්සිකෝවේ ඔක්සාකා හි El Capi සංගීත කණ්ඩායමේ සාමාජිකයන්ම මෙම ගීතයේ නිරූපනයට එක්ව ඇත.
ඇමරිකා එක්සත් ජනපදය
La Cumbia Del Coronavirus’ ස්පාඤ්ඤ බසින් රචිත මෙම ගීතය ගායනා කරනු ලබන්නේ Mister Cumbia විසින්ය. අත් සේදිම. රෝගයෙන් වැලකි සිටිමු යන පණිඩිඩය ගීතය තුලින් ලබා දෙනු ලබයි. යු ටියුබ් හි මිලියන 8 කට ආසන්න පිරිසක් මෙම ගීතය නරඹා තිබේ.
උගන්ඩාව
බොබී වයින් සහ නූබියන් ලී විසින් ගායනා කරන ගීතය.
ඇමරිකා එක්සත් ජනපදය
යෙන්ඩ්‍රිස් සෙස්පඩීස් විසින් රචිත 'ටුම්බාවෝ වෛරස්' නැමති ගීතය
මෙයාකාරයෙන් ලොව විවිධ රටවල් කොරෝනා වෛරස් වසංගතය සම්බන්ධයෙන් ගීත ඉදිරිපත් කරන අතර ශ්‍රි ලංකාවේද විවිධ පුද්ගලයන්, මාධ්‍ය ආයතන විසින් විවිධ ගීතයන් එළි දක්වා තිබේ ඒ අතරින් ලෝක සෞඛ්‍ය සංවිධානය, යුනිසෙෆ් ආයතනය, සෞඛ්‍ය දෙපාර්තමේන්තුව, ජනාධිපති කාර්යය සාධක බලකාය ඇතුළු ආයතන එකතුවෙන් සහ කලකලාකරුවන් රැසකගේ එකතුවෙන් ගීතයක් නිශ්පාදනය කර සමාජ මාධ්‍යජාලා ඇතුළු මාධ්‍ය රැසක ප්‍රචාරය කරනු ලබයි.
මං අද ජීවත් වෙන්නේ ඔබ එහෙම කල නිසා
කොවිඩ් 19 වෛරසය පිළිබද සමාජය දැනුවත් කිරීමේ නිල ගීතය ලෙසින් එළි දක්වනු ලැබු මෙම ගීතය රචනා කර තිබෙන්නේ හිරාන් තෙනුවර සහ රුවිනි හපුආරච්චි විසින්ය. හිරාන් තේනුවර යනු කලකට ඉහත ජනප්‍රිය වු 6th lane සංගීත කණ්ඩායමේ සාමාජිකයකු වන අතර පේරාදෙණිය විශ්ව විද්‍යාලයේ දන්ත වෛද්‍ය පිඨයේ උසස් අධ්‍යාපන හදාල ඔහු වෘත්තියෙන් දන්ත වෛද්‍යවරයෙකු වෙයි. ගීතයේ තනු නිර්මාණය සහ සංගීතය ද හිරාන් තේනුවර විසින්ම සිදු කර තිබේ.
ගීතය ගායනයට අමරසිරි පිරිස්, හිරාන් තේනුවර, රොමේෂ් සුගතපාල, දුෂ්‍යන්ත වීරමන්, දීපිකා ප්‍රියදර්ශනී, උමාරියා සිංහවංශ ඇතුළු ගායක ගායිකාවන් රැසක් දායකත්වය ලබා දී තිබේ.
එසේම ගීතයේ රූප රචනාව සඳහා දුලිකා මාරපන, උද්දික ප්‍රේමරත්න, උදාරි වර්ණකුලසූරිය ඇතුළු කලාකරුවන් සිය දායකත්වය ලබා දී තිබේ. එසේම පසුගිය කාලයේ කායවර්ධනය නිසාම ජනප්‍රිය වු මහනුවර ජාතික රෝහලේ වෛද්‍යතුමා පන්ඩුල බස්නායක මහතා ද මෙම ගීතයේ රූප රචනාවට දායකත්වය සපයනු ලබයි. වෛද්‍යවරයකු ලෙසින් කාර්යය බහුල අවස්ථාවකට ජනතාව දැනුවත් කිරීමට මෙම ගීතයේ රංගන දායකත්වය සැපයීමත් එක්තරා අන්දමකට වැදගත් සේවයක් ලෙසට පෙන්වා දිය හැකි වේ.
කොරෝනා වෛරසය වැළදීම, රෝගය නොසැගවීම, නිරෝධායනය, ආදි කාර්යයන්හි වැදගත්කම රෝගයෙන් වැලකිම, පැතිරීමෙන් වැළක්වීම ආදි පණිවිඩ රාශියක් මෙම ගීතයේ පද මාලාවෙන් සහ රූප රචනාවෙන් ලබා දී තිබේ.
පහත දැක්වෙන යු ටියුබ් ලින්ක් එක හරහා එම ගීතය රස විදින ලෙසින් ඔබට ආරාධනා කරමි.
ධනුෂ්ක කොඩිතුවක්කු.
Dhanushka Kodituwakku.
ඇසිදිසි 2020/04/19….
අන්තර්ජාලය ඇසුරින්…..
Comments
Post a Comment