මොකක්ද මේ ඔටිසම් කියන්නේ - AUTISM

ඔටිසම් පිළිබදව ලෝකය දැනුවත් කිරීමේ දිනය අප්‍රේල් 02 නි දා ට යෙදි තිබේ. ඒ වෙනුවෙන්  ඔටිසම් පිළිබදව කෙටි හැදින්වීමක් 

කුඩා දරුවෙකු ඉපදුනු පසු පරිසරයේ සිදුවන බොහෝ දේ අනුව එම දරුවා ඉගෙනීම සිදු කරයි. ඒ ඔස්සේ දරුවාගේ මොළයේ සංවර්ධන සිදුවන අතර විවිධ අවධි කිහිපයකදි  එම සංවර්ධන කාර්යය හදුනා ගැනීමට හැකියාවක් ලැබේ. අදාල කාලයේදි එම අවස්ථාවන් නිසි පරිදි සිදුවීම මොළයේ වර්ධනයට හා ක්‍රියාකාරිත්වයට බලපානු ලබන්නේ ය. මෙම ක්‍රියාකාරකම් අතර භාෂාව සහ සන්නිවේදනය මෙන්ම සමාජශීලි වීම වැනි ක්‍රියාකාරකම් නිසි ලෙස සිදු නොවීම  මගින් එම දරුවා හුදකලා තත්ත්වයකට පත් කරනු ලබයි. මේ තත්ත්වය ඔටිසම් AUTISM ලෙස හදුන්වනු ලබයි.

මෙය දරුවකුගේ මොළයේ අසාමාන්‍ය වර්ධන විලාශයකි. කුඩා කාලයේදි හට ගන්නා මෙම තත්ත්වය තරුණවිය දක්වා පැවතිය හැකිය. සමාජයේ අන්‍යෝන්‍ය ක්‍රියාවන් හා අදහස් හුවමාරු කරගැනීම් සිදු නොකරන අතර තනිව වාසය කිරීමට හෝ හුදකලාවීමට කැමැත්තක් දක්වයි. මෙම ඔටිසම් තත්ත්වයට ජාන සහ පරිසරික තත්ත්වයන්ගේ අන්තර්ක්‍රියා බලපාන බවද සදහන් කරයි.


ඔටිසම් තත්ත්වයකින් පෙළෙන දරුවකුගේ ලක්ෂණ

හැසිරීම

• උනන්දුවක් සහ විශේෂත්ත්වයක් දක්වන සෙල්ලම් බඩු සමග දැඩි කැමැත්තක් දක්වමින් සෙල්ලම් කරයි
• කැමැත්තක් දක්වන සෙල්ලම් බඩු සමගින් එකම ආකාරයේ සෙල්ලම් පමණක් සිදු කරයි.
• අසාමාන්‍ය වස්තූන් සදහා මහත් උනන්දුවක් දක්වයි ( උදා  ලෝහ සෙල්ලම් භාණ්ඩ)
• වස්තූන් සහ ඒවායේ ක්‍රියාකාරකම් මත පටු ලෙස අවධානය යොමු කරයි
• සීමිත ඇලුම් කිරීමක් පෙන්වයි

සමාජීය සම්බන්ධතා පැවැත්වීම

• නම කියා ආමනත්‍රණය කළද ප්‍රතිචාර නොදක්වයි
• ඔහු සමග කතා බහේදි කුඩා දරුවෙකු මෙන් කතා කිරීම මගින් වැඩිහිටියන්ට ප්‍රතිචාර දක්වනු ලබයි
• රූපවාහිනියෙන් දකින දේ ඉක්මනින් අනුකරණය කිරීම
• ලබා දෙන සරල උපදෙස් පව අවබෝධ කර ගැනීමට නොහැකි වේ.
• වෙනත් ළමුන් වෙත කැමැත්තක් අවධානයක්  යොමු නොකිරීම
• එකතු වී ක්‍රිඩා නොකිරීම
• නිහඩව ක්‍රීඩා කිරීම

ඉගි සන්නිවේදනය

• යමක් ලබා ගැනීමට අවශ්‍ය වු විට ප්‍රකාශ නොකර ලබා ගැනීමට අවශ්‍ය දෙය දෙස බලනු ලබයි
• සිනාසීම අවම වේ
• ඔවුන්ගේම ඉරියව් රටාවක් පෙන්නුම් කරයි

ඔවුන්ගේ පුරුදු වෙනස් කිරීමෙන් ඔවුන් පහසුවෙන් අපහසුතාවයට පත්වන බව අවධානයට ගත යුතු වේ.

දරුවෙකුට ඔටිසම් තත්ත්වයක් වැළදි ඇති දැයි බැලු බැල්ලමට කිව නොහැකි වේ. මේ සදහා විශේෂඥ වෛද්‍යවරුන් හා ස්නායු විශේෂඥ වෛද්‍යවරයෙකුට පෙන්වීම මගින් රෝග නිර්ණය කර ගත හැකි වේ.

මෙම රෝගි තත්ත්වයට මූලිකවම ප්‍රතිකාර කිරීමක් සිදු නොකරනු ලබයි.

රෝගි තත්ත්වයේ ස්වභාවය හදුනා ගැනීම මගින් වෘත්තීය චිකිත්සක ක්‍රම මගින් සුව කළ හැකි බවට වාර්තා වේ. මෙවැනි දරුවකු සාමාන්‍ය සමාජය හා සෙමින් සෙමින් ගැටීමට සැලැස්වීමෙන් හා දරුවා සමග නිරන්තරව ක්‍රීඩා කිරීමෙන් තත්ත්වය අවම කර ගත හැකි වේ.

1911 වර්ෂයේදි ස්විස් ජාතික මනෝ විද්‍යාඥයකු වු යූජන් බ්ලුලර් විසින් Autism යන නම මෙම රෝගි තත්ත්වයට භාවිතා කිරීම හදුන්වා දෙන ලදි. ග්‍රික බසින් Autism යන්නහි අදහස Self  යන්නයි.

1943 වර්ෂයේදි ඇ. එ. ජ ජෝන් හොප්කින්ස් රෝහලේ විශේෂඥ වෛද්‍ය ලියෝ නැවර් මහතා විසින් ඔටිසම් රෝගි තත්ත්වය පිළිබද මුලින්ම අධ්‍යනය කරන ලදි.

1944 වර්ෂයේදි ඔස්ට්‍රේලියානු විද්‍යාඥයකු වු හාන්ස් අස්පර්ගර් විසින් ඔටිසම් තත්ත්වය හා ඒ ආශ්‍රිත සහලක්ෂණ පිළිබද අධ්‍යනය කර එළි දක්වන ලදි.

වර්ෂ 1985 වන විට ළමුන් 2500:1 දරුවකුට ඔටිසම් තත්ත්වය වැළදීමේ ප්‍රවනතාවයක් තිබුණි. නමුත් ඇමරිකා එක්සත් ජනපදයේ වෛද්‍යවරුන් විසින් සිදු කර ඇති පර්යේෂණයන්ට අනුව වර්තමානයේ දරුවන්   68:1 වශයෙන් ඔටිසම් තත්ත්වය ඇතැයි සොයා ගෙන ඇත.

මෙම තත්ත්වයට මුහුණ දි ඇති දරුවන් ඉතා කඩිනමින් වෛද්‍ය ප්‍රතිකාර වෙත යොමු කිරීමෙන් සහ දෙමාපියන්ගේ කැපවීම සහ උත්සහ මත සාර්ථක පුද්ගලයකු බවට පත් කර ගත හැකි වේ.